សមត្ថកិច្ចឃាត់ខ្លួន អ្នកសារព័ត៌មានពីររូបនៅខេត្តកំពង់ស្ពឺគឺជាការគំរាមកំហែងដល់វិស័យសារព័ត៌មាននៅកម្ពុជាមួយរយៈពេលចុងក្រោយនេះ គឺចាប់តាំងពីក្រោយបោះឆ្នោត ជ្រើសតាំងតំណាងរាស្ត្រ នីតិកាលទី៦ ហើយប្រជាពលរដ្ឋនៅទូទាំងប្រទេស ២៥ ខេត្ត .ក្រុងនិងបានអញ្ជើញទៅបោះឆ្នោតគាំទ្រគណបក្សប្រជាជនកម្ពុជា លេខ២០ ឈ្នះភ្លូកទឹកភ្លូកដី ។
ក្រោយព្រឹត្តិការណ៍ជាប្រវត្តិសាស្ត្រខាងលើ និងផ្ដើមចេញនូវអំពើពុករលួយ បក្សពួកនិយម បើកដៃឲ្យមានបទល្មើសព្រៃឈើនៅក្នុងដែនសមត្ថកិច្ចនៅតាមបណ្ដាខេត្តផ្សេងៗ ទូទាំងក្នុងប្រទេសកម្ពុជា ដោយឡែករឿងមិនប្រក្រតីពាក់ព័ន្ធនឹងការឃាត់ខ្លួនចាងហ្វាងគេហទំព័ររស្មីនាគមាស ។
បើយោងតាមវ៉យសំឡេង និងកិច្ចសម្ភាសន៍ជាមួយនឹងប្រជាពលរដ្ឋអ្នកដឹកឈើ ដោយសមត្ថកិច្ចចងក្រងសំណុំរឿងថាជាដើមបណ្ដឹងនោះ ឈ្មោះ សេន ប្រុស បានឆ្លើយប្រាប់អ្នកយកព័ត៌មានយើងថា គាត់មិនបានដាក់ពាក្យបណ្ដឹងនោះទេ គឺសមត្ថកិច្ចគ្រាន់តែសួរនាំនៅផ្ទះមេភូមិធ្វើកំណត់ហេតុតែប៉ុណ្ណោះ។
តើជាការពិតទេឬ? អ្នកកាសែតនៅតាមបណ្ដាខេត្តនានាមួយចំនួនត្រូវបានមន្ត្រីពុករលួយមួយចំនួនតូចឬក្រុមជនឧក្រឹដកម្មព្រៃឈើក្នុងខេត្តនោះ ប្ដឹងបំបាក់ស្មារតីនិងគម្រាមកម្ហែងធ្ងន់ធ្ងដល់វិស័យសារព័ត៌មាន ។
បើទោះជាយ៉ាងណាក៏ដោយអ្នកកាសែតអាជីពជាច្រើនអង្គភាពក៏បានអំពាវនាវទៅស្ថាប័នតុលាការខេត្តកំពង់ស្ពឺឲ្យប្រើប្រាស់ច្បាប់ស្ដីរបបសារព័ត៌មាននៅកម្ពុជានិងគោរពរដ្ឋធម្មនុញ ។
ក្នុងនោះពួកគេយល់ឃើញថាការឃាត់ខ្លួនអ្នកសារព័ត៌មានខាងលើនេះគឺជាការគំរាមកំហែងដ៏ធំផងដល់វិស័យសារព័ត៌មាននៅកម្ពុជា
បើយោងសិទ្ធិជាសកល វិស័យសារព័ត៌មានគឺជាអំណាចទី៤បន្ទាប់ពីអំណាចនិតិបញ្ញត្តិ និតិប្រតិបត្តិនិងអំណាចតុលាការ។
ប៉ុន្តែសម្រាប់ប្រទេសកម្ពុជាវិញ វិស័យសារព័ត៌មានត្រូវបានគេមើលឃើញថាកំពុងស្ថិតនៅក្នុងការគម្រាមគំហែង នឹងប្ដឹងពីបទជំរិតទារប្រាក់បំបាក់ស្មារតីនៅឡើយទេ បើទោះបីប្រមុខរដ្ឋាភិបាលសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានខិតខំនិងលើកកម្ពស់ ដល់វិស័យសារពត៌មានស្មើទៅនិងកែវភ្នែកឬកញ្ចក់ឆ្លុះបញ្ចាំងដើម្បីចូលរួមក្នុងគោលនយោបាយ កំណែទម្រងស៊ីជម្រៅដែលមន្ត្រីក្នុងបក្សគួតែងូតទឹកដុះក្អែល ឆ្លុះកញ្ចក់ និងវះកាត់ នោះ ។
មានតែសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប៉ុណ្ណោះដែលស្គាល់និងដឹងអំពីសុខទុក្ខលំបាករបស់អ្នកសារព័ត៌មាន បើអង្គភាពសារព័ត៌មាន នគរមាស ចាំមិនខុសទេ សម្ដេចក៏ធ្លាប់បានលើកឡើងថាធ្លាប់ធ្វើជាអ្នកសរសេរកាសែត រិះគន់មន្ត្រីថ្នាក់ក្រោមនាសម័យរដ្ឋកម្ពុជាផងដែរ ។
សម្តេចតេជោបន្តមានប្រសាសន៍ថាអ្នកកាសែតគឺជាក្រុមពួកឆ្លុះកង្កែបអាហ្នឹង!វាអត់មានប្រាក់ខែទេមានតែប្រាក់ឃើញចឹងកាំម៉ូរ៉ា គឺជាពន្លឺភ្លើងឆ្លុះឃើញមួយវាយមួយទៅ។
ដោយឡែកបើគេក្រឡេកទៅមើលជ្រុងមួយនៃទឹកដី ខេត្តកំពង់ស្ពឺឯណោះវិញ អ្នកកាសែតគឺជាឆ្អឹងទទឹងករបស់មន្ត្រីប្រព្រឹត្តអំពើពុករលួយមួយចំនួនតូច និងក្រុមឈ្មួញរកស៊ីសង្គមងងឹត ។
តាមរយៈមេក្បាច់គុនចំនួន៤ ដែលមន្ត្រីក្នុងមានតួនាទីជាមន្ត្រីនគរបាលយុត្តិធម៌គឺ បញ្ចេះចម្លើយ ដឹកមុខចម្លើយ លួងលោមចម្លើយ និងបង្ខំចម្លើយ ដែលពួកគេខិតខំរិះរកគ្រប់ល្បិចកលនិងមធ្យោបាយផ្សេងទៀតៗ ដើម្បីប្ដឹងដាក់បន្ទុកដូចជាបណ្ដឹងជំរិតទារប្រាក់នេះជាដើម។
គួរបញ្ជាក់ថាកម្លាំងនគបាលស្រុកថ្ពង នៅថ្ងៃទី០៧ ខែឧសភា ឆ្នាំ២០១៩ បានឃាត់ខ្លួនអ្នកការសែតរស្មីនាគមាស ២នាក់ ដែលបានចោទប្រកាន់ពីបទជំរិតទារប្រាក់ ពីអ្នករកស៊ីដឹកឈើបានធ្វើឡើងនៅភូមិថ្លលទទឹង ឃុំប្រាំបីមុំ ស្រុកថ្ពង ខេត្តកំពង់ស្ពឺ និងត្រូវបាននគបាលជំនាញនៃស្នងការដ្ឋាននគរបាលខេត្តកំពង់ស្ពឺ កសាងសំណុំរឿងបញ្ជូនទៅសាលាដំបូងខេត្តនៅរសៀលថ្ងៃទី៨ខែឧសភាឆ្នាំ ២០១៩ នេះ៕
