ភ្នំពេញ ៖ នៅថ្ងៃទី២៤ ខែឧសភា ឆ្នាំ២០២០ នៅវេលាម៉ោង១១នឹង០០នាទី កម្លាំងមន្ទីរការិយាលយ័ ប្រឆាំងបទល្មើសគ្រឿងញៀនបានឆែកឆេរលំនៅដ្ឋានមួយកន្លែង ដែលជារបស់ជនសង្ស័យឈ្មោះ ចាន់ ជា ភេទប្រុសអាយុ៤១ ឆ្នាំ មុខរបរលក់ដូរ នៅចំណុចផ្ទះលេខ២ ផ្លូវលេខ១៣ ក្នុងបុរីពិភពថ្មីក្រុមទី៤ ភូមិបឹងឈូក សង្កាត់គីឡូម៉ែត្រលេខ៦ខណ្ឌឬស្សីកែវ រាជធានីភ្នំពេញ។
ប្រតិបត្តិការឆែកឆេរត្រួតពិនិត្យនេះ រកឃើញនិងដកហូតសម្ភារៈដូចជា រថយន្តចំនួន ៥គ្រឿងរួមនិងថ្នាំចំនួន៤០គ្រាប់ ដែលសង្ស័យមានសារធាតុញៀន .ម៉ាស៊ីនកាមេរ៉ាសុវត្តភាពចំនួន១គ្រឿង.លោហធាតុជាគ្រឿងអលង្ការ មួយចំនួន .ប្រាក់វៀតណាមចំនួន២លានហាសិបម៉ឺនដុង.ឧបករណ៍ប្រើប្រាស់គ្រឿងញៀនមួយចំនួន .ជញ្ជីងសម្រាប់ថ្លឹងគ្រឿងញៀនចំនួន១ គ្រឿង។
បច្ចុប្បន្នសម្ភារៈដែលដកហូត ត្រូវបានកម្លាំងមន្ទីរការិយាល័យ ប្រឆាំងបទល្មើសគ្រឿងញៀន យកទៅរក្សាទុកតាមនីតិវិធីច្បាប់ ។ ចំពោះលំនៅដ្ឋានខាងលើ គណៈកម្មការចម្រុះបាន បិទទ្វារជាបណ្ដោះអាសន្នរង់ចាំបន្តនីតិវិធី ៕
