ទាន់ហេតុការណ៍
ពិភពលោកសង្គ្រោះបឋមក្រោមប្រធានបទសង្គ្រោះបឋមនិងកីឡា - ២៤ ភូមិក្នុងសង្កាត់វាំងចាស់ សង្កាត់ព្រះស្រែ និងសង្កាត់វាលពង់បានទទួលបណ្ណកម្មសិទ្ធិសរុបចំនួន ១៧, ៣៣២បណ្ណ ស្មើនឹង ១០, ៥០១កម្មសិទ្ធិករ ក្រុងឧដុង្គម៉ែជ័យ - ក្រសួងបរិស្ថានបន្ដយុទ្ឋនាការ​ ពន្លកបៃតង​ អមសងខាងផ្លូវ​ ព្រំដែន​ នៅខេត្តត្បូងឃ្មុំ - ពិធីប្រគល់-ទទួល កុំព្យូទ័រចំនួន ៧៥៥គ្រឿង ជូនក្រសួងរៀបចំដែនដី នគរូបនីយកម្ម និងសំណង់ សម្រាប់បម្រើការងារបរិវត្តកម្មឌីជីថល ពិសេសការងារចុះបញ្ជីដីធ្លីបង្ហើយ និងការធ្វើទំនើបកម្មស្ថាប័ន ក្រោមអធិបតីភាព ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍។ - សមាគមអភិវឌ្ឍន៍វិជ្ជាជីវៈ អ្នកសារព័ត៌មាន កម្ពុជា បើកវគ្គបណ្តុះបណ្តាលពិសេសលើកទី៤ ស្តីពី “មូលដ្ឋានគ្រឹះគ្រប់គ្រងព័ត៌មានបែបឌីជីថល”.... - ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតីក្នុងពិធីបិទវគ្គបណ្តុះបណ្តាលពិសេសជូនសិក្ខាកាមចំនួន ៦៨៤នាក់ នៅអគារខេមរវិទ្យូ រាជបណ្ឌិត្យសភាកម្ពុជា.. - សមាគមសារព័ត៌មានចំនួន០៥ បើកវគ្គបណ្ដុះបណ្ដាលជូនសិក្ខាកាមចំនួន ៦៨៤នាក់ នៅរាជបណ្ឌិត្យសភាកម្ពុជា - ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ អញ្ជើញសំណេះសំណាល និងប្រគល់វិញ្ញាបនបត្រសម្គាល់ម្ចាស់អចលនវត្ថុចំនួន ១២.៥៨៩ ក្បាលដី ស្មើរនិង ៥.៧៧២ គ្រួសារ នៅឃុំកាត់ភ្លុក  ស្រុកបសេដ្ឋ - លោកជំទាវបណ្ឌិត ដាំ ដារីនី អញ្ជើញជាអធិបតីភាពក្នុងពិធីប្រកាសទទួលស្គាល់ប្រធានគណៈកម្មាធិការ សហភាពសហព័ន្ធយុវជនកម្ពុជា ខេត្តកំពង់ស្ពឺ - រោងចក្រខ្សែបង្គំគ្រឿងអេឡិចត្រូនិចរថយន្តរបស់កូរ៉េខាងត្បូង ផ្តល់ការងារដល់ពលរដ្ឋអ្នកខេត្តកំពង់ស្ពឺជាង១២០០នាក់

សម្បត្តិធម្មជាតិដូចជា ភ្នំទ្រុងអណ្ដើក ពេលនេះឃើញឈ្មួញយកគ្រឿងចក្រទៅកាយយកអាចម៍ដីលក់យ៉ាងគគ្រឹកគគ្រេង គ្មានជំនាញណាទប់ស្កាត់…

ខេត្តកែប៖ ពិតជាថ្លើមធំមែន ភ្នំ ទ្រុងអណ្ដើក ដែលជាសម្បត្តិរដ្ឋកេរ្តិ៍តំណែពីដូនតាយូរហើយនោះពេលនេះត្រូវឈ្មួញយកគ្រឿងចក្រទៅកាយយ៉ាងគគ្រឹកគគ្រេងយកអាចម៍ដីលក់ដើម្បីផលប្រយោជន៍ទាន់ខ្លួន ប៉ុន្តែមន្ត្រីជំនាញបែរជាធ្វើមិនដឹងមិនឮមិនទប់ស្កាត់នោះទេ។

តាភពប្រជាពលរដ្ឋដែលរស់នៅក្នុងភូមិ អន្ទង់សរ ឃុំពងទឹក ស្រុកដំណាក់ចង្អើរ ខេត្តកែប បានអោយសារព័ត៌មានយើងដឹងថា ភ្នំ ទ្រុងអណ្ដើក នេះគឺជាសម្បត្តិរបស់រដ្ឋគ្មានបុគ្គលណាចូលកាត់ស្កាយកធ្វើជាកម្មសិទ្ធិនោះទេ តែពេលនេះស្រាប់តែឃើញឈ្មួញយកគ្រឿងចក្រទៅកាយយ៉ាងអនាធិបតេយ្យ ជាច្រើនថ្ងៃ កន្លងមកហើយ ដើម្បីយកអាចម៍ដីលក់

ប្រជាពលរដ្ឋបានឲ្យដឹងទៀតថា ការកាយ ភ្នំ ទ្រុងអណ្ដើក យ៉ាងគគ្រឹកគគ្រេងនេះ ប្រសិនបើគ្មានការឃុបឃិតបើកដៃពីជំនាញពាក់ព័ន្ធនិងអាជ្ញាធរមូលដ្ឋានទេនោះ ក៏ក្រុមឈ្មួយមិនហ៊ានយកគ្រឿងចក្រទៅកាយយកអាចម៍ដីលក់ បានដោយសេរីដែរ។

ប្រជាពលរដ្ឋបញ្ជាក់ថា ភ្នំ ទ្រុងអណ្ដើក នេះមិនទាន់មានប្លង់ ជាកម្មសិទ្ធិទេ ប៉ុន្តែអ្នកកាន់កាប់នៅលើដីនោះ ក៏បានហៅគ្រឿងចក្រ មកកាយអាចម៍ដី ដឹកដើរលក់ ក្នុងមួយឡានតម្លៃ៤ម៉ឺនទៅ៥ម៉ឺនរៀល ចំងាយជិតឬចំងាយឆ្ងាយ។

ពាក់ព័ន្ធករណីនេះ លោកស្រី គឹម ចាន្នី អភិបាលស្រុកដំណាក់ចង្អើរ បានធ្លាប់ថ្លែងប្រាប់អ្នកយកព័ត៌មានថា ភ្នំ ទ្រុងអណ្ដើក ដែលកំពុងតែកាយនោះ ម្ចាស់គេបានមក សុំច្បាប់រួចហើយ ចាំខ្ញុំឱ្យខាងមន្ត្រី ចុះទៅពិនិត្យមើលម្ដងទៀត។ ចំណែកប្រធានមន្ទីររ៉ែ ថាមពល ខេត្តកែប លោក យស វណ្នី បានថ្លែងប្រាប់ អ្នកយកព័ត៌មានថា បើមានការអ្វី សូមលោក អញ្ជើញមកកន្លែង កុំនិយាយតាមទូរស័ព្ទ។

ប្រភពមួយបានឲ្យដឹងថា ប្រធានមន្ទីររ៉ែថាមពល ខេត្តកែប មិនដែល បង្ក្រាបគ្រឿងចក្រ កាយដីភ្នំ បានម្ដងនោះទេ បើប្រជាពលរដ្ឋ ក៏ដូចជាអ្នកសារព័ត៌មាន រាយការណ៍ ទៅមន្ត្រីជំនាញ មួយម៉ោងក្រោយទើបបានមកដល់ ហើយគ្រឿងចក្រនោះ ត្រូវតែបើកចេញ ពីទីតាំង កាយដីភ្នំនោះ យកទៅទុកអោយឆ្ងាយ ទើបឃើញមន្ត្រី ជំនាញចុះមកដល់។

ដូច្នេះហើយបានជាប្រជាពលរដ្ឋ និងមន្ត្រីមួយចំនួន ធ្វើការរិះគន់ទៅលើ មន្ត្រីជំនាញ និង អាជ្ញាធរមូលដ្ឋានថា បើពុំមានការ បើកភ្លើងខៀវ ពីសំណាក់ មន្ត្រីជំនាញ និងអាជ្ញាធរនោះទេ ក្រុមគ្រឿងចក្រ ទាំងនោះ ក៏មិនហ៊ានធ្វើសកម្មភាពដែរ។

ទោះយ៉ាងណាពលរដ្ឋ សូមសំណូមពរ ដល់លោកសោម ពិសិដ្ឋ អភិបាលខេត្តកែប និង លោកស៊ុយ សែម រដ្ឋមន្ត្រីក្រសួងរ៉ែនិង ថាមពល មេត្តាពិនិត្យ មើលកូនចៅរបស់ លោកផងអាចកំពុងតែឃុបឃិត ជាមួយក្រុមឈ្មួ ញកាយដីភ្នំទាំងនេះ។

សូមបញ្ជាក់ផងដែរថា សកម្មភាពកាយដីភ្នំទ្រូងអណ្ដើកនេះ ត្រូវបានអាជ្ញាធរស្រុកដំណាក់ចង្អើរ ចុះមកដល់ ទីតាំងនោះដែរ ហើយពួកគាត់ ឈរនិយាយគ្នា បានប្រមាណជាង១០នាទី ក៏ឲ្យគ្រឿងចក្រទាំងនោះ បើកចេញ ពីទី តាំងតាយដីតែម្ដង មិនដឹងមកពីមូលហេតុអ្វីនោះទេ៕

 

Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម
«ស៊ីអ៊ិនធី ហតញូយ៍ | CNT Hotnews» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 093 20 06 36 | 071 80 22 293 សូមអរគុណ ! »

©២០១៨ រក្សាសិទ្ធិ ដោយ «ស៊ីអ៊ិនធី ហតញូយ៍ | CNT Hotnews» | ទូរស័ព្ទ៖ 093 20 06 36 | 071 80 22 293 | អ៊ីម៉ែល៖ #

សហការផ្តល់ព័ត៌មាន៖ # | អ៊ីម៉ែល ៖ #

error: Content is protected !!