ភ្នំពេញ៖ នារសៀល ថ្ងៃសុក្រ ៤កេីត ខែបុស្ស ឆ្នាំជូតទោស័ក ពស ២៥៦៤ត្រូវនឹងថ្ងៃទី ១៨ ខែឆ្នូ ឆ្នាំ២០២០ នេះសមគមអភិវឌ្ឍន៍វិជ្ជាជីវៈ អ្នកសារព័ត៌មានកម្ពុជា និងអង្គការអភិវឌ្ឍន៍កម្ពុជាដើម្បីសហគ្រិន បានចុះហត្ថលេខាលើអនុស្សារណ: យោគយល់គ្នាស្ដីពី ការបេីវគ្គបណ្ដុះបណ្ដាលថតរូបភាព និងខ្សែភាពយន្ត ស្ថិតនៅក្នុងអាគារស្នាក់ការកណ្ដាលសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា ភូមិចំការឪឡឹក សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ដែលមានការចូលរួមពីគណៈកម្មការ សមាជិកស្ថាបនិក ស្ថាប័ន អង្គភាពសារព័ត៌មាន ១៣អង្គភាព និងអ្នកសារព័ត៌មាន ប្រមាណ ៤០នាក់ មកពីគ្រប់បណ្ដាខេត្តនានា និងពិធីត្រូវបានរៀបចំឡើងស្របតាមវិធានការរបស់ក្រសួងសុខាភិបាល ធ្វើតេស្តកម្ដៅ រក្សាអនាម័យ គំលាត បាញ់អាល់កុល និងពាក់ម៉ាស់ ដេីម្បីទប់ស្កាត់ការឆ្លងរីករាលដាលជម្ងឺ កូវីដ-១៩ ផងដែរ។
ក្នុងឱកាសពិធីចុះហត្ថលេខាលេីអនុស្សារណ:យោគយល់គ្នា លោក ហោ គន្ធា ប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា បានលេីកឡេីងថាអ្នកសារព័ត៌មានគប្បី ត្រូវតែចេះនូវជំនាញបច្ចេកទេសក្នុងការថតរូបភាព និងវីឌីអូ ដេីម្បីទទួលបាននូវគុណភាពទាំងរូបភាព និងវីឌីអូ សម្រាប់ធ្វើការចាក់ផ្សាយ ទេីបទទួលនូវការគាំទ្រពីសំណាក់មហាជន ក៏ដូចជាទស្សនិកជន។ ម្យ៉ាងវិញទៀត គឺអាចយកជំនាញបច្ចេកទេសថតរូបភាព ឬ វីឌីអូនេះ ទៅបង្កើតប្រាក់ចំណូលបន្ថែមទៀតតាមរយៈ ប្រព័ន្ធ យូធូប (Youtube) និងមុខរបរផ្សេងៗផងដែរ។
គួរបញ្ជាក់ផងដែរថា សមគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជាគ្រោងនឹងបេីកវគ្គបណ្ដុះបណ្ដាលជំនាញបច្ចេកទេសថតរូប និង ខ្សែភាពយន្ត នៅឆ្នាំ២០២១ ខាងមុខនេះ សម្រាប់ភ្នាក់ងារសារព័ត៌មាន និងយុជនគ្រប់ស្រទាប់ ដោយក្នុង១វគ្គ គឺត្រូវបានកំណត់ជ្រើសរើសយកសិក្ខាកាមតែ ១៥ប៉ុណ្ណោះ។
ហេីយអ្វីដែលជាការកត់សម្គាល់នោះ គឺគ្រប់វគ្គបណ្ដុះបណ្ដាលលេីជំនាញបច្ចេកទេសថតរូបភាព និងខ្សែភាពយន្ត ត្រូវបានធ្វើការបង្វឹកដោយ លោក ឈន ប៊ុនហំ អនុបណ្ឌិតខ្សែភាពយន្ត ពីប្រទេសអូស្ត្រាលី និងជាប្រធានអង្គភាពអភិវឌ្ឍន៍កម្ពុជាដើម្បីសហគ្រិន ក្នុងគោលបំណងផ្ដល់នូវគុណភាព ចំណេះដឹង និងជំនាញពិតប្រាកដ។
ជាចុងបញ្ចាប់ លោក ហោ គន្ធា បានបន្ថែមថា សូមឲ្យបងប្អូនជាអ្នកសារព័ត៌មាន មេត្តាទទួលយកនូវអ្វីដែលជាបទពិសោធន៍ថ្មីៗ ទុកជាប្រយោជន៍ក្នុងការផ្សព្វផ្សាយព័ត៌មាននិង ប្រកបដោយក្រមសីលធម៌ វិជ្ជាជីវៈនៃសារព័ត៌មាន ដេីម្បីឆ្លុះបញ្ចាំង នូវទិដ្ឋភាពសង្គម និងភាពស្អាតស្អំ របស់អ្នកសារព័ត៌មានកម្ពុជា ៕
សមាគមអភិវឌ្ឍន៍វិជ្ជាជីវអ្នកសារព័ត៌មានកម្ពុជា និង អង្គការអភិវឌ្ឍន៍កម្ពុជាដើម្បីសហគ្រិន បានចុះហត្ថលេខាលើអនុស្សារណះ យោគយល់គ្នា ស្ដីពីការបេីកវគ្គបណ្ដុះបណ្ដាលជំនាញបច្ចេកទេសថតរូប និង ខ្សែភាពយន្ត….
Filed in: ព័ត៌មានជាតិ, ព័ត៌មានថ្មីៗ
