ទីតាំងល្បែង​អនឡាញបញ្ជាល់មាន់ តាមកញ្ចក់ទូរទស្សន៍ ខុសច្បាប់ និង ឆ្នោតឡូតូ កំពុងពេញនិយមនៅក្នុងក្រុងកំពត ខេត្តកំពត ប្រជាពលរដ្ឋសំណូមពរដល់លោកអធិការក្រុងកំពតចាត់វិធានការបង្ក្រាបផង (វគ្គ១)

(ចេញផ្សាយនៅថ្ងៃទី២៥ ខែសីហា ឆ្នាំ២០២២)

កំពត ÷ បើតាមសេចក្តីរាយការណ៍ពី​ប្រជាពលរដ្ឋ រស់នៅ​ក្នុងក្រុង​កំពត ដែលមិនពេញចិត្តនូវល្បែងស៊ីសង បាន​បញ្ជាក់​ប្រាប់ឲ្យដឹងថា នៅក្នុងក្រុងកំពត ពោពេញទៅដោយល្បែង​បញ្ជាល់មាន់ តាមកញ្ចក់ទូរទស្សន៍ ខុសច្បាប់ និង​ឆ្នោត​ឡូតូ ជាច្រើន​កន្លែង បង្កប់​តាម​ហាង​កាហ្វេ​យ៉ាង​ពេញទំហឹង ដោយឡែក​លោក​មេ​ប៉ស្តិ៍នគរបាល​ក្រុង​កំពត មិនមានចំណាត់ការទប់ស្កាត់ឬបង្ក្រាបនោះទេ បានបណ្តែតបណ្ដោយ​ឲ្យ​អ្នកញៀន​ល្បែង​លេង​បញ្ជាល់មាន់ តាមកញ្ចក់ទូរទស្សន៍ ខុសច្បាប់ និង ឆ្នោត​ឡូតូ យ៉ាង​គគ្រឹកគគ្រេង​រាល់ថ្ងៃ សមត្ថកិច្ច​ពាក់ព័ន្ធ​ក្នុង​ខេត្ត​កំពត សម្ងំ​ទទួល​ផលប្រយោជន៍ ជា​ថ្នូរ​មិន​បង្ក្រាប​។​

សូមលោកអធិការក្រុងកំពត ពិនិត្យឡេីងវិញ​ខ្លះ​ផង ចំពោះ​ភាព​អសកម្ម របស់លោក មេ​ប៉ុស្តិ៍​នគរបាល​ក្រុង​កំពត បណ្ដែតបណ្តោយឲ្យ​មាន​ល្បែងស៊ីសង​បញ្ជល់មាន់តាមកញ្ចក់ទូរទស្សន៍ ខុសច្បាប់ និង​ឆ្នោត​ឡូតូ​ជាច្រើន​ទីតាំង មិន​ចាត់​វិធានការ​បង្ក្រាប ឲ្យស្រប​តាម​គោលនយោបា​យ ភូមិ​ឃុំ មាន​សុវត្ថិភាពទាំង ៧​ចំណុច​ដែលប្រមុខរាជរដ្ឋាភិបាល បានដាក់ចេញឱ្យក្រសួងមហាផ្ទៃអនុវត្តនោះ​ទេ។

ករណីខាងលើនេះ សូមលោកអធិការក្រុងកំពត មានចំណាត់ការផង(ចៀសវាងគេងមិនលក់ធ្វើជាសម្រាន្តលក់) និងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ/សង្កាត់ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?

ប្រជាពលរដ្ឋកន្ទឹងរង់ចាំមើលថា តើចំណាត់ការអាជ្ញាធរពាក់ព័ន្ធពិសេសលោកអធិការក្រុងកំពត តើលោកហ៊ាន រឺ មិនហ៊ាន? នៅការបង្ក្រាបទីតាំងល្បែងអនឡាញ ជល់មាន់តាមកញ្ចក់ទូរទស្សន៍ ខុសច្បាប់ ដ៏ធំជាច្រើនកន្លែងនេះ។

ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ រៀងរាល់ម៉ោងធ្វើការ..សូមអគុណ៕