នាយករដ្ឋមន្ត្រី​បញ្ជាក់​ជំ​ហរ​ក​ម្ពុជា​​លើ​គោលនយោ​បាយ​ចិន​តែមួយ

លោកនាយករដ្ឋមន្ត្រីហ៊ុនសែនបានប្រកាសជំហរយ៉ាងម៉ឺងម៉ាត់ចំពោះការអនុវត្តគោលនយោបាយចិនតែមួយ និងប្រឆាំងដាច់ខាតរាល់ពាក្យសម្តី ឬសកម្មភាពណាមួយដែលរំលោភលើអធិបតេយ្យភាព និងបូរណភាពទឹកដីរបស់ចិន។គោលជំហររបស់នាយករដ្ឋមន្ត្រីលើការអនុវត្តគោលនយោបាយចិនតែមួយ ត្រូវបានដកស្រង់នៅលើគេហទំព័រ Facebook របស់ស្ថានទូតចិនប្រចាំកម្ពុជា។ ការ​លើក​ឡើង​នេះ​បាន​ធ្វើ​ឡើង​ក្នុង​ជំនួប​រវាង​លោក ហ៊ុន សែន និង​លោក Liu Jianchao ប្រធាន​នាយកដ្ឋាន​ទំនាក់ទំនង​អន្តរជាតិ​នៃ​បក្ស​កុម្មុយនិស្ត​ចិន។យោងតាមខ្លឹមសារដកស្រង់ដោយស្ថានទូតចិនប្រចាំនៅកម្ពុជា ក្នុងជំនួបរវាងលោកនាយករដ្ឋមន្ត្រី ហ៊ុន សែន និងលោក Liu បានពិភាក្សាអំពីបញ្ហាប្រឈម និងភាពស្មុគស្មាញនៅក្នុងតំបន់ និងពិភពលោក។យោងតាមស្ថានទូតចិន លោកនាយករដ្ឋមន្ត្រី ហ៊ុន សែន ត្រូវបានដកស្រង់សម្តីថា នៅចំពោះមុខនឹងស្ថានភាពផ្លាស់ប្តូរនេះ កម្ពុជា និងចិន តែងតែគាំទ្រគ្នាទៅវិញទៅមក ប្រឈមមុខនឹងបញ្ហារួមគ្នា ការពារអធិបតេយ្យភាព និងឯករាជ្យភាព និងការពារសន្តិសុខ និងផលប្រយោជន៍អភិវឌ្ឍន៍របស់ប្រទេសទាំងពីរ។