(ចេញផ្សាយនៅថ្ងៃទី៣១ ខែសីហា ឆ្នាំ២០២២)
កំពង់ស្ពឺ៖ ព្រឹកថ្ងៃពុធ ៥កើត ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៣១ ខែសីហា ឆ្នាំ២០២២ ឯកឧត្តម សុខ ភា អភិបាលរង នៃគណៈអភិបាលខេត្តកំពង់ស្ពឺ បានដឹកនាំកិច្ចប្រជុំស្ដីពីការ រៀបចំ គោលការណ៍ណែនាំ និងនីតិវិធីនៃការគ្រប់គ្រងការផ្សព្វផ្សាយពាណិជ្ជកម្មគ្រប់ប្រភេទដែលស្ថិតក្រោមសមត្ថកិច្ចរបស់រដ្ឋបាលខេត្ត និងរដ្ឋបាលក្រុង/ស្រុក សំដៅថែរក្សាសោភ័ណ្ឌភាព សុវត្ថិភាព សណ្ដាប់ធ្នាប់របៀបរៀបរយសាធារណៈ អត្តសញ្ញាណប្រពៃណីល្អរបស់ជាតិព្រមទាំងពង្រឹងតម្លាភាពនៃការប្រមូលចំណូលពីទីតាំងផ្សព្វផ្សាយពាណិជ្ជកម្មគ្រប់ប្រភេទ។
មានការអញ្ជើញចូលរួម លោកលោកស្រី ប្រធាន អនុប្រធានមន្ទីរដែលពាក់ព័ន្ធ និងបណ្ដាក្រុមហ៊ុននានាក្នុងខេត្តកំពង់ស្ពឺជាច្រើនរូប។
សូមបញ្ជាក់ផងដែរថា៖ ការធ្វើបច្ចុប្បន្នភាព និងនីតិវិធីនៃការគ្រប់គ្រងការផ្សព្វផ្សាយពាណិជ្ជកម្មគ្រប់ប្រភេទដែលគ្មានច្បាប់អនុញ្ញាត និងផុតសុពលភាពគ្រប់ប្រភេទក្នុងមូលដ្ឋានខេត្តកំពង់ស្ពឺ ចាប់តាំងពីឆ្នាំ២០២២នេះតទៅ។
