ទីតាំងបនល្បែងសុីសងអនឡាញ មាន់ជល់ តាមកញ្ចក់ទូរទស្សន៍មួយកន្លែងក្នុង ស្ថិតនៅតាមបណ្តោយផ្លូវលំ ឃុំព្រែកគយ ស្រុកស្អាង សូមលោក រស់ ចន្ថា អធិការស្រុក ជួយចាត់មន្ត្រីជំនាញចុះស្រាវជ្រាវបង្ក្រាបផងទាន!

(ខេត្តកណ្ដាល)៖ តើអាជ្ញាធរពាក់ពន្ធ័ក្នុងស្រុកស្អាង ជ្រាបរឺនៅ ទីតាំងល្បែងសុីសងអនឡាញ មាន់ជល់ តាមកញ្ចក់ទូរទស្សន៍ មួយកន្លែង ស្ថិតនៅតាមបណ្តោយផ្លូវលំ ឃុំព្រែកគយ ស្រុកស្អាង ខេត្តកណ្តាល។

តើអាជ្ញាធរពាក់ព័ន្ធមានវិធានការក្នុងការដឹកនាំកម្លាំងចុះបង្ក្រាបដែរឬទេ។

ប្រភពពីប្រជាពលរដ្ឋក្នុងមូលដ្ឋានបានប្រាប់អង្គភាពសារព័ត៌មានយើងឲ្យដឹងថា; មានទីតាំងលេងល្បែងស៊ីសង់អនឡាញ មាន់ជល់ តាមកញ្ចក់ទូរទស្សន៍ ស្ថិតនៅតាមបណ្តោយផ្លូវលំ ឃុំព្រែកគយ ស្រុកស្អាង ខេត្តកណ្តាល កំពុងលួចលាក់លេងល្បែងស៊ីសងខុសច្បាប់ ដែលរដ្ឋាភិបាលកំពុងតែមមាញឹកនិងការទប់ស្កាត់បែរជាអាជ្ញាធរពាក់ព័ន្ធក្នុងស្រុកស្អាង ហាក់បីដូចជាព្រងើយកន្តើយមិនយកចិត្តទុកដាក់ក្នុងការអនុវត្តតាមបម្រាមរបស់រដ្ឋាភិបាលទៅវិញ។

យោងតាមរូបភាពក្រុមការងារអ្នកសារព័ត៌មានយើងថតបាននៅថ្ងៃទី ០២ ខែវិច្ឆិកាឆ្នាំ ២០២២ បានបញ្ជាក់យ៉ាងច្បាស់ថា នាពេលខាងមុខនិងក្លាយជាតំបន់អសន្តិសុខដោយសារហេតុទីណាមានល្បែងស៊ីសងទីនោះនឹងក្លាយជាកន្លែងកើតអំពើហិង្សាក្នុងគ្រួសារ មានចោលួច ចោប្លន់ ចោឆក់ជាដើម

យោងតាមឯកសារគោលនយោបាយភូមិឃុំសង្កាត់មានសុវត្ថិភាពទាំង ៧ ចំណុចនិងសេចក្តីសម្រេចស្ដីពីការបង្កើតក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទ របស់រាជរដ្ឋាភិបាល លេខ ៦២ ស.ស.រ ចុះថ្ងៃទី ១៦ ខែកញ្ញា ឆ្នាំ ២០២២ ធ្វើអោយប្រជាពលរដ្ឋមានភាពកក់ក្តៅ និងសូមគាំទ្រយ៉ាងពេញទំហឹង តែយ៉ាងណាមិញ បនល្បែងមួយចំនួននៅតែបន្តបើកលេងយ៉ាងគឃ្លើន។

ប្រជាពលរដ្ឋស្នើសុំដល់ឧត្តមសេនីយ៍ទោ ឈឿនសុចិត្ត ស្នងការដ្ឋាននគរបាលខេត្តកណ្តាលមេត្តាចាត់មន្ត្រីជំនាញចុះបង្រ្កាបក្នុងករណីខាងលើដោយក្តីអនុគ្រោះ។

អង្គភាពសារព័ត៌មានយើង រងចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។