សមត្ថកិច្ចបានឲ្យដឹងថា មុនពេលកើតហេតុគ្រួសារជនរងគ្រោះបានជិះម៉ូតូហុងដាទ្រីម ពាក់ផ្លាកលេខបាត់ដំបង AO.6766 បានឌុបប្រពន្ធ និងកូនប្រុសម្នាក់ត្រឡប់ពីវាស់ដីនៅខេត្តព្រះវិហារ គោលបំណងត្រឡប់ទៅស្រុកវិញ ស្រាប់តែមកដល់កន្លែងកើតហេតុមានគោរត់ឆ្លងថ្នល់ ទើបម៉តូបុកគោដួលលើផ្លូវជាតិ។ ស្របពេលនោះរថយន្តធុនធំហ៊ីយិនដាយពាក់ផ្លាកលេខភ្នំពេញ 3C.1460 និងរ៉ឺម៉កក្រោយផ្លាកលេខព្រៈសីហនុ 4A.3008 ជិះមកដល់ក៏បានកិនស្លាប់ ២នាក់ និងរបួសកូនប្រុសធ្ងន់ម្នាក់តែម្ដង។

ក្រោយសមត្ថកិច្ចចុះមកដល់កន្លែងកើតហេតុ ធ្វើការពិនិត្យ និងវាស់វែងសពនគរបាលវិចខ្ចប់ដឹកតាមរថយន្តសង្គ្រោះ បញ្ជូនដល់ផ្ទះជនរងគ្រោះនៅខេត្តប៉ៃលិន ហើយម៉ូតូជនរងគ្រោះ និងរថយន្តបង្ក ត្រូវបានយកទៅរក្សាទុកនៅអធិការដ្ឋាននគរបាលស្រុកព្រះនេត្រព្រះ ដើម្បីអនុវត្តន៍តាមច្បាប់ចរាចរណ៍ផ្លូវគោក៕